Vel grøft, mål og grunnforhold
Vel type grøft, og legg inn djupn, breidd, lengd og kva grunnen består av. Appen føreslår sikring etter regelverket og seier frå når noko manglar.
Grøfteplan.no
Slik fungerer Grøfteplan.no
Grøfteplan og graveplan på få minutt – for den som grev, leiar eit team eller står i grøfta.
Trykk på biletet for å sjå det i full storleik.
Krav til grøfteplan
Før det blir grave djupare enn 1,25 meter, skal arbeidsgivaren sørgje for at det ligg føre ein plan for gravinga (forskrift om utførelse av arbeid § 21-5). Grøfteplan.no hjelper deg å lage planen på få minutt – på mobil eller PC, også ute på anlegget.
Les meir om regelverket →Lag ein grøfteplan
Veivisaren tek deg gjennom planen steg for steg, og skissene blir teikna medan du fyller ut.
Teikn grøfta i skisseverktøyet
Tverrsnitt og planskisse blir teikna ut frå måla dine. Dra gravemaskina, lastebilane og massane på plass, og vel kor tett rømningsvegane skal stå langs grøfta.
Lagre kontaktane éin gong
Legg inn formann, maskinførar og andre du ofte har med. Neste gong vel du dei frå lista, og namn og rolle blir fylte inn i planen.
Ferdig PDF med skisser og signatur
Planen blir ein ryddig PDF med tverrsnitt, planskisse, sikringstiltak og signaturar, klar til å vise på anlegget.
For deg som leiar eit team
Med team-abonnement arbeider heile laget i dei same planane.
- Inviter kollegaer med e-postadressa deira. Dei får ein e-post med lenkje for å logge inn og treng ikkje eige abonnement.
- Planar som blir laga i teamet, er felles: alle i teamet kan sjå og endre dei.
- Kontaktlista er felles. Alle i teamet kan leggje til og endre kontaktar, og eigaren av teamet kan slette dei.
- Som eigar inviterer og fjernar du brukarar, endrar talet på brukarar og kan slette alle team-planar. Brukarane kan slette planar dei sjølve har laga.
- Blir ein brukar fjerna frå teamet, mistar vedkomande tilgangen, men planane blir verande i teamet.
Få planen ut til dei som står i grøfta
PDF til utskrift eller mobil
Skriv ut PDF-en og heng han opp på anlegget, eller opne han på mobilen og vis han fram når nokon spør. Planen kan lastast ned på nynorsk, bokmål, engelsk og polsk, så alle på laget kan lese han på eit språk dei forstår.
Krev kontrakten at byggherren skal sjå planen før oppstart, sender du PDF-en til byggherren. Planen har felt for «Utarbeidd av» og «Godkjend av» med signatur og dato, så byggherren kan signere når de går gjennom planen saman, eller på utskrifta.
Ofte stilte spørsmål
Kva inneheld grøfteplanen?
Grøftetype og mål, grunnforhold, sikringsmetode, skisse med tverrsnitt og planskisse, avstand til massar, rømningsveg, stoppkriterium, ansvarlege og signaturar. I tillegg kjem kjende installasjonar i grunnen, rutinar under arbeidet og ein sjekk mot regelverket.
Les meir om regelverket →Kven har ansvaret for planen?
Arbeidsgivaren – oftast entreprenøren – har ansvaret for at det ligg føre ein forsvarleg plan. Grøfteplan.no er eit hjelpemiddel: den ansvarlege må alltid vurdere forholda på staden sjølv og sørgje for at planen blir kontrollert av fagkunnig personell.
Les meir om regelverket →Fungerer det på mobil og utan nett?
Ja, Grøfteplan.no fungerer i nettlesaren på mobil, nettbrett og PC, utan nedlasting. Planen du har open, blir lagra på eininga undervegs. Mistar du nettet, kan du halde fram med å arbeide i han, og endringane blir lasta opp neste gong du er på nett. Nye sider kan ikkje opnast utan nett, så opne planen før du går ut på anlegget.
Kva språk finst?
Appen og PDF-en finst på nynorsk, bokmål, engelsk og polsk. Du vel språk for PDF-en kvar gong du lastar han ned, uavhengig av språket i appen.
Kva kostar det, og korleis seier eg opp?
Solo kostar 349 kr i månaden. Team kostar 299 kr per brukar i månaden og blir billegare per brukar for større team. Prisane er utan meirverdiavgift, sidan vi ikkje er MVA-registrerte. Første gong får du 7 dagar gratis, med kort eller Vipps (Vipps berre for Solo). Det er inga bindingstid, og du seier opp under «Abonnement» når som helst.
Kva skjer med planane om eg seier opp?
Du har tilgang ut perioden du har betalt for. Deretter blir planane lagra i 12 månader, og du får e-post 30 dagar før dei blir sletta. Startar du abonnementet att innan då, ligg planane der som før.
Kvar blir data lagra?
Kontoen og planane blir lagra i EU (Irland). Nokre av leverandørane våre, til dømes for betaling og e-post, er amerikanske selskap, og overføringar ut av EU/EØS er sikra etter reglane i personvernforordninga. Planane blir òg lagra på eininga di, slik at du kan arbeide utan nett.
Les personvernerklæringa →Kan eg bruke tidlegare planar på nytt?
Ja. Under «Mine planar» kan du duplisere ein plan og endre det som er annleis. Når du fyller ut ein ny plan, føreslår appen prosjektnamn, firma og namn du har brukt før, og kontaktane i kontaktlista kan veljast med eitt trykk.
Kven kontaktar eg ved spørsmål?
Send e-post til support@grofteplan.no, så svarar vi så snart vi kan.
support@grofteplan.noKlar til å prøve?
7 dagar gratis første gong. Betal med kort eller Vipps, utan bindingstid.
Prøv gratis i 7 dagar